Ikerketa
Euskal hezkuntza sistemako bizikidetzaren egoera ezagutzea
:::
Helburuak
A.- Helburu orokorrak
- Euskal hezkuntza sistemako bizikidetzaren egoera ezagutzea, EAEko Lehen Hezkuntzako 6. mailako eta Derrigorrezko Bigarren Hezkuntzako 2. mailako ikasleen lagin adierazgarri batean.
B.- Helburu zehatzak
- Arauak, partaidetza, inplikazioa eta antzerako faktoreek harreman-giro egokia sortzeari nola eragiten dioten aztertzea..
- LH 6ko eta DBH 2ko ikasleek arestian aipatutako gaiei buruz dituzten iritzien ikuspegi orokorra aurkeztea.
- LH 6ko ikasleek eta DBH 2koek ikastetxeko bizikidetzaren alderdi ezberdinak nola ulertzen dituzten konparatzea.
C.- Ikerlanaren hipotesiak
- Bizikidetzari ikastetxez kanpoko aldagaiek eta ikastetxe barneko aldagaiek eragiten diote.
- Ikastetxez kanpoko aldagaiek erraztu edo zaildu egin dezakete ikastetxeko lana, baina ez dira erabakigarriak.
- Bizikidetzan eraginik handiena duten kanpo-aldagaiak ikasleen familien eta ikaskide-taldeen jarreren eta jokaeren ingurukoak dira, baina ez dira ikerlan honen aztergai.
- Ikerketa ezberdinen arabera, bizikidetzan eraginik handiena duten barne-aldagaiak honako hauek dira: pertsonen eta taldeen arteko harremanak; lidergoa; tutoretza lana; ikastetxeko eta ikasgelako arauak; ikasleen eta irakasleen parte hartzea eta inplikazioa.
- LH 6ko ikasleek eta DBH 2koek jarrera eta ulertzeko modu ezberdinak dituzte ikastetxeko bizikidetzari buruz.
