Ikerketa
PISA-L Probaren hizkuntzak hezkuntza-programa elebidunetako ikasleen nazioarteko ebaluazioetako emaitzetan duen eraginari buruzko ikerketa
:::
PISA-L Probaren hizkuntzak hezkuntza-programa elebidunetako ikasleen nazioarteko ebaluazioetako emaitzetan duen eraginari buruzko ikerketa
Helburuak
- Aztertu irakurmeneko emaitzetan agertzen diren ezberdintasunak, proba bera familia hizkuntzaz edota bigarren hizkuntzaz egiten den arabera.
- Analizatu testuinguru-aldagaien eragina hezkuntza-programa elebidunetako 15 urteko ikasleengan haien 2. hizkuntzako irakurmenean.
- Gaurkotu 2004an ISEI-IVEIk, gai berari buruz egin zuen ikerketaren emaitzak, oraingo ikerketaren bidez.
Deskribapena
2004an gai honi buruzko lehenengo ikerketa egin ondoren, hipotesi bera konprobatzea interesgarria baloratu dugu. Hau da, hezkuntza-programa elebidunetako (D eredukoak) gaztelaniaz hitz egiten duten ikasleek nazioarteko ebaluazio probak egiteko orduan haien 1. hizkuntzan egiten badute emaitzak hobeagoak lortzen dituzte bere 2. hizkuntzan edo eskolako hizkuntzan egingo balute baino . Horretarako PISA 2009 ebaluazioak konpetentzia nagusitzat irakurmena ebaluatuko duela baliatuko gara. Ikerketa hori, aurrera eramateko, Euskal Autonomia Erkidegoak Luxenburgorekin batera probaren hizkuntzen eraginari buruzko PISA—L deitutako ikerketa hau garatzen du. Hori gauzatu ahal izateko nazio-lagina handitu egin dugu, betiere PISA 2009 nazioarteko ebaluazioaren barruan. ACER (Australian Council for Educational Research)empresak probako materialak prestatzeaz eta datuenanalisiak gauzatzeaz arduratzen da. Bere aldetik, ISEI-IVEIk PISA 2009ko probak aplikatzen ditu ikastetxetan eta emaitzei buruzko txostenak lantzen ditu eta, halaber, ikerketaren ondorioen gainetiko erantzukizuna du.
PISA 2009 lagina osoa 5.000 ikaslez, gutxi gora behera, eginda dago. Lagina honetatik 3.200 ikasle inguru D eredukoak dira. Hauetatik PISA-L deritzon ikerketan 1.700 ikaslek gutxi gora behera parte hartzen du. Guzti hau aurrera eramateko ikasleak horrela banatu dira: 2 kontrol-talde (parte-hartzailearen erdia) eta 2 esperimentu talde. Guztiek PISA 2009 osoa beteko dute, hau da Irakurmena, Matematika eta Zientzia aldeak; gero, 2 aste beranduago, Irakurmenaren proba, soilik, egingo dute.
Kontrol-talde 2 hauek, bai lehenengoa bai bigarren aplikazioa, hizkuntza beraz egin dute; hau da, hauetatik batek euskeraz eta besteak gaztelaniaz. Aldiz, esperimentu-taldeek bigarren aplikazioan aldatuko dute lehenengoan erabaki duten hizkuntza; hots, euskaraz egin dutenek orain gaztelaniaz egingo dute, eta alderantziz.
